8 ವರ್ಷದ ಹಿಂದಿನ ಘಟನೆ. ನಾನಾಗ ಕೊಡಗಿನ ಗೋಣಿಕೊಪ್ಪಲುವಿನ ಕಾವೇರಿ ಕಾಲೇಜಿನ ಅಂತಿಮ ಬಿ.ಕಾಂ ವಿಧ್ಯಾರ್ಥಿನಿ. ತರಗತಿಗಳು ಸುರುವಾದ ಹೊಸತು. ಆ ವರ್ಷ ಆಡಿಟ್ ವಿಷಯವಿತ್ತು. ಅದನ್ನು ಭೋಧಿಸಲು ಪ್ರೊಫೆಸರ್ ಬೆಳ್ಯಪ್ಪ ಅವರು ತರಗತಿಗೆ ಬಂದಿದ್ದರು. ಅವರು ಸೀರಿಯಸ್ ಆಗಿ ಜೋಕ್ ಮಾಡೋದರಲ್ಲಿ, ಸಂಧರ್ಭಕ್ಕೆ ತಕ್ಕ ಗಾದೆ ಹೇಳೋದರಲ್ಲಿ ನಿಸ್ಸೀಮರು. ಅವ್ರ ಎರಡನೆ ಮಗಳು ನಮ್ಮ ಕ್ಲಾಸ್ ಮೆಟ್.
ನಮ್ಮ ತರಗತಿಯಲ್ಲಿ ಏಳು ಹುಡುಗಿಯರು, 18- 19 ಹುಡುಗರು ಇದ್ರು. ನಾನು, ಪೂನಂ, ಪುಷ್ಪಲತ ಮುಂದಿನ ಬೆಂಚಿನ ಹುಡುಗಿಯರು. ಬೇರೆ ಮಕ್ಕಳು ನಮಗೆ ಗಾಂಧಿಗಳು ಎನ್ನುತ್ತಿದ್ದರು. ನಮ್ಮ ಹಿಂದಿನ ಬೆಂಚಿನಲ್ಲಿ ರೇಣುಕ, ಪ್ರೀತ, ಡಯಾನ, ಶರ್ಲಿ ಕೂರುತಿದ್ದರು.
ಆಡಿಟ್ ಬಗ್ಗೆ ಸರ್ ಪೂರ್ವಭಾಗಿಯಾಗಿ ತಿಳಿಸುತ್ತಾ ವಿವರಿಸುತ್ತಿದ್ದರು. ಲೆಕ್ಕ ಪರಿಶೋಧನೆ ಎಂದರೇನು? ಆ.. ಪರಿಶೀಲನೆಯಲ್ಲಿ ಕುಲಂಕುಶವಾಗಿ, ಮೊದಲೇ ಏನೆಲ್ಲಾ.. ಪರಿಶೀಲಿಸಬೇಕು. ಹೀಗೆ...ಉದಾಹರಣೆ ನೀಡುತ್ತಾ... ಕ್ಲಾಸ್ ಆಸಕ್ತಿದಾಯಕವಾಗಲು
"ಈಗ ಮದುವೆಗೆ ಮುನ್ನ ಹುಡುಗ, ಹುಡುಗಿಯ ಬಗ್ಗೆ ಏನೆಲ್ಲಾ ಪರಿಶೀಲನೆ ಮಾಡುತ್ತಾನೆ? " ಎಂದು ಧೀರ್ಘವಾಗಿ ಅವರ ಕನ್ನಡಕದೊಳಗಿನ ಕಣ್ಣಿನಿಂದ ನಮ್ಮನ್ನೆಲ್ಲ ಪರಿಶೀಲಿಸಿದರು.
"ಸರಿ ಈಗ ಆ ಬಗ್ಗೆ ಒಬ್ಬೊಬ್ಬರಾಗಿ ಅಭಿಪ್ರಾಯ ತಿಳಿಸಿ" ಎಂದರು.
ತರಗತಿಯಲ್ಲಿ ಆಗಲೇ ಗುಸು ಗುಸು ಸುರುವಾಗಿತ್ತು. ಅದನ್ನು ಮುರಿಯುತ್ತಾ... ಸರ್ ಮೊದಲು ಹುಡುಗಿಯರಿಂದ ಸುರುವಾಗಲಿ ಎಂದರು. ಹುಡುಗರೆಲ್ಲ.... " ಲೇಡಿಸ್ ಫಸ್ಟ್" ಎಂದು ಒಕೊರಲಿಂದ ಕೂಗಿದರು.
ನೋಡಪ್ಪಾ.... ಆಗ ನನಗೆ ಸುರುವಾಗಿದ್ದು ಭಯ! ನನಗೆ ಡವ ಡವ ಎನ್ನಲು ಸುರುವಾಯ್ತು.. ಭಯದಿಂದ ನನ್ನ ತಲೆ ಖಾಲಿ ಖಾಲಿ.....ಆ ಬದಿಯಿಂದ ಸುರು ಮಾಡಿದರೆ ಪುಷ್ಪಲತ ಮೊದಲು, ಈ ಬದಿಯಿಂದ ಪ್ರಾರಂಭಿಸಿದರೆ ನಾನು ಮೊದಲು. ಎರಡನೇಯವಳೋ , ಮೂರನೆಯವಳೋ ಆಗಿದ್ದರೆ.... ಸ್ವಲ್ಪ ಧೈರ್ಯ , ಏನಾದರು ಹೊಳೆಯುತ್ತಿತ್ತು.... ಸುಮ್ಮನೆ ತಲೆ ತಗ್ಗಿಸಿ ಕುಳಿತು ಬಿಟ್ಟೆ....
ಅಂತೂ ಕೊನೆಗೆ ಸರ್ ..... ಕೃಪಾ.. ಎಂದು ನನ್ನ ನೋಡಿದರು. ವಿಧಿಯಿಲ್ಲ .....ಅಂಜುತ್ತಾ... ಅಳುಕುತ್ತ.... ಎದ್ದು ನಿಂತೆ. ಇಡೀ.... ತರಗತಿ.... ಇಷ್ಟಗಲ ......ಬಾಯಿ ಮಾಡಿಕೊಂಡು ನಗು ತಡೆ ಹಿಡಿದು ನನ್ನೆಡೆಗೆ ನೋಡುತ್ತಿತ್ತು.. ತರಗತಿಯಲ್ಲಿ ಸೂಜಿ ಬಿದ್ದರು ಕೇಳಿಸದಷ್ಟು ನಿಶಬ್ಧ.... ನನಗೋ ತಲೆಯೆಲ್ಲ...... ಬ್ಲಾಂಕ್!!!! ಏನು ಹೇಳಲಿ.... ಒಂದೂ ಹೊಳೆಯುತ್ತಿಲ್ಲ... ಅಂತೂ ಇದ್ದ ಬದ್ದ ಧೈರ್ಯ ಒಗ್ಗೂಡಿಸಿಕೊಂಡು......
" ಸರ್ ...... ಹುಡುಗಿಯ ಬ್ಯಾಕ್ ಗ್ರೌಂಡ್ ಎಲ್ಲ ನೋಡ ಬೇಕು" ಎಂದೆ. ನನ್ನ ದೃಷ್ಟಿಯಲ್ಲಿ ಬ್ಯಾಕ್ ಗ್ರೌಂಡ್ ಎಂದರೆ... ಹುಡುಗಿಯ ಗುಣ, ನಡತೆ, ವಿಧ್ಯಾಬ್ಯಾಸ .... ಮನೆತನ..... ಹೀಗೆ ಆಗಿತ್ತು. ನನಗೆ ಗೊತ್ತಿದ್ದೂ ಅಷ್ಟೇ. ನನಗೆ ನನ್ನ ಅಭಿಪ್ರಾಯದ ಬಗ್ಗೆ ವಿಶ್ವಾಸ ಇತ್ತು. ನಾನು ಹೇಳಿ ಆದ ಮೇಲೆ ಸರ್ ಕಡೆಗೆ ನೋಡುತ್ತಾ ಇದ್ದೆ. ಇಡೀ ತರಗತಿಯು ನನ್ನ ಅಭಿಪ್ರಾಯಕ್ಕೆ ಸಮ್ಮತಿಸಿದಂತಿತ್ತು. ನನ್ನ ನಂತರ ಮಧ್ಯದಲ್ಲಿ ಕುಳಿತಿದ್ದ ಪೂನಂ ಏಳಲು ಮಿಸುಕಾದುತಿದ್ದಳು. ನಾನು ಸರ್ "ಸಿಟ್" ಎನ್ನದೆ ಕೂರುವಂತಿಲ್ಲ..... ಹಾಗೆ ಹೇಳುವುದನ್ನು ಕಾಯ್ತಾ ಇದ್ದೆ ಕುಳಿತು ಕೊಳ್ಳಲು.
ಸರ್ ಆಗ ಗಂಭೀರ ವದನರಾಗಿ.....ತಮ್ಮ ಗಂಭೀರ ಧ್ವನಿಯಿಂದ ..... ಮುಖದಲ್ಲಿ ಚಿಂತೆ ತುಂಬಿಸಿ ಕೊಂಡ ಹಾಗೆ ಬದಲಿಸಿ "ಬರಿ ಬ್ಯಾಕ್ ಗ್ರೌಂ ಡ್ ಮಾತ್ರ ನೋಡಿದರೆ ಸಾಲದಮ್ಮಾ....... ಫ್ರಂಟ್ ಗ್ರೌಂಡು.... ನೋಡ ಬೇಕು" ಎಂದರು.
ಇಡೀ ತರಗತಿ ಹ್ಹೋ......ಎಂದು ನಗೆಕಡಲಿಂದ ಮುಳುಗಿ ಹೋಯ್ತು. ನಾನು ದೊಪಕ್ ಎಂದು ಕುಳಿತು ಬಿಟ್ಟೆ. ನಾಚಿಕೆ, ಅವಮಾನದಿಂದ ಕುಗ್ಗಿ ಹೋಗಿದ್ದೆ. ಆ... ಘಟನೆ ನೆನೆದರೆ ಈಗಲೂ ಮುಖಕ್ಕೆ ರಕ್ತ ನುಗ್ಗಿದ ಹಾಗಾಗುತ್ತೆ.
Subscribe to:
Post Comments (Atom)
Followers
Blog Archive
About Me
- ಕೃಪಾ
- ನನ್ನ ಬಗ್ಗೆ ಹೇಳಿಕೊಳ್ಳಲು ಏನು ಇಲ್ಲ ....... ನನ್ನೂರು ಕೊಡಗು...... ಹುಟ್ಟಿದ್ದು, ಬೆಳೆದದ್ದು...... ಸೇರಿದ್ದು......ಎಲ್ಲ ಇಲ್ಲಿಯೇ........ ಇನ್ನೇನು ಹೇಳಲಿ ............ ಇನ್ನು ನೀವೇ ಹೇಳ ಬೇಕು.......
3 comments:
ಕ್ರ್ಅಪಾರವರೆ.......
ನಕ್ಕೂ... ನಕ್ಕೂ ಸುಸ್ತಾದೆ....
ಬ್ಯಾಕ್ ಗ್ರೌಂಡ್ ಅಂದರೆ ಹಿನ್ನೆಲೆ....
ನೀವು ಸರಿಯಾಗಿಯೇ ಹೇಳಿದ್ದಿರಿ...
ನಿಮ್ಮ ಗುರುಗಳ ಹಾಸ್ಯ ಪ್ರಜ್ಞೆಗೊಂದು ನನ್ನ ನಮನ....
(ಇಂದು ಗುರುಪೂರ್ಣಿಮ)
ಚಂದದ ಬರಹ...
ಶೈಲಿ ತುಂಬಾ ಚೆನ್ನಾಗಿದೆ...
ಇಷ್ಟವಾಯಿತು....
ನಮಸ್ತೆ ಪ್ರಕಾಶ್ ಅವರೇ....
ನಿಮ್ಮಿಂದಾಗಿ ನನಗೆ ನನ್ನ ಕಾಲೇಜು ದಿನಗಳು ನೆನಪಾಗುತ್ತಿದೆ. ಇನ್ನೊಮ್ಮೆ ಕ್ಲಾಸ್ನಲ್ಲಿ ವರದಕ್ಷಿಣೆ ಬಗ್ಗೆ ಭಾರಿ ಪರ ವಿರೋಧದ ಬಗ್ಗೆ ಚರ್ಚೆ ಆಗಿ ..... "ನಾನಂತೂ ಐದು ಪೈಸೆ ವರದಕ್ಷಿಣೆ ಕೊಡೋಲ್ಲ....." ಎಂದು ಭಾರಿ ಸಿಟ್ಟಿನಿಂದ ಹೇಳಿದಾಗ ಅಲ್ಲಿವರೆಗೆ ಏನೊಂದೂ ಮಾತಾಡದೆ, ಚರ್ಚೆಯಲ್ಲಿ ಭಾಗಿ ಆಗದೆ ಮೌನವಾಗಿ ಕುಳಿತಿದ್ದ ವಿಧ್ಯಾರ್ಥಿ ಒಬ್ಬ "ನಾನ್ಯಾವಾಗ ಕೃಪಾ... ವರದಕ್ಷಿಣೆ ಕೇಳಿದೆ?" ಎಂದಿದ್ದ. ನಾನು ಸೇರಿ ಎಲ್ಲರು ನಕ್ಕು ಬಿಟ್ಟಿದ್ದೆವು.
ಹಾಸ್ಯ ಪ್ರಜ್ಞೆ ...... ಎಲ್ಲರಿಗೂ ಬರೋಲ್ಲ.ಅದು ನಿಮಗೆ ಸಿದ್ದಿಸಿದೆ. ನಾನಂತೂ ನಗಲೇ ನಿಮ್ಮ ಬ್ಲಾಗ್ ಗೆ ಬರ್ತೀನಿ.
:)ಚೆನ್ನಾಗಿದೆ .
Post a Comment